كل سنة و أنا طيبة

يا تري الدنيا دي فيها كام بلياتشو؟؟؟؟؟؟؟؟؟؟؟؟ لما كنت بتفرج علي البلياتشو في التليفزيون كنت بضحك جدا من حركاته و أفعاله و شقلبظاته اللي بيعملها علشان بيضحك الأطفال مكنتش واخده باللي من الجانب الإنساني للشخصية دي هل هو فرحان فعلا و لا حزين ووراه هموم كتير لو حطيتها فوق بعض تبقي زي الجبل.

أنا بقي عاملة زي البلياتشو الحزين ده بالضبط في حزن جوايا عميق من جوا و من الخارج مرسوم علي ملامحي البهجة و التفاؤل. أكيد الإثنين مش راكبين علي بعض . بس فعلا أنا كده. لللأسف أنا أدعو الناس للتفاؤل و إن الأمل موجود و لدي القدرة الكبيرة علي حماس الناس و إشعال طاقة الأمل لديهم إلا إني للأسف غير قادرة علي حماس نفسي. ( هل أعتبر نفسي منافقة؟ لا أدري) كنت عملت بحث علي النت عن البلياتشو و قريت جملة لواحد كتبها عبرت عن كل اللي جوايا بتقول " لما تلاقي البلياتشو و هو بيضحك و في نفس الوقت هو بيشيل هموم ناس كتير و بيشيل عنها الغم" الجملة دي أثرت فيا قوي أقولها الأن و بأعلي صوت أنا بلياتشوووووووووو...................

البلياتشو

يا تري الدنيا دي فيها كام بلياتشو؟؟؟؟؟؟؟؟؟؟؟؟

لما كنت بتفرج علي البلياتشو في التليفزيون كنت بضحك جدا من حركاته و أفعاله و شقلبظاته اللي بيعملها علشان بيضحك الأطفال

مكنتش واخده باللي من الجانب الإنساني للشخصية دي هل هو فرحان فعلا و لا حزين ووراه هموم كتير لو حطيتها فوق بعض تبقي زي الجبل.

أنا بقي عاملة زي البلياتشو الحزين ده بالضبط في حزن جوايا عميق من جوا و من الخارج مرسوم علي ملامحي البهجة و التفاؤل.

أكيد الإثنين مش راكبين علي بعض . بس فعلا أنا كده.

لللأسف أنا أدعو الناس للتفاؤل و إن الأمل موجود و لدي القدرة الكبيرة علي حماس الناس و إشعال طاقة الأمل لديهم إلا إني للأسف غير قادرة علي حماس نفسي.

( هل أعتبر نفسي منافقة؟ لا أدري)

كنت عملت بحث علي النت عن البلياتشو و قريت جملة لواحد كتبها عبرت عن كل اللي جوايا بتقول " لما تلاقي البلياتشو و هو بيضحك و في نفس الوقت هو بيشيل هموم ناس كتير و بيشيل عنها الغم"

الجملة دي أثرت فيا قوي

أقولها الأن و بأعلي صوت أنا بلياتشوووووووووو...................

عودا حميدا

السلام عليكم

الحمد لله خلصت الإمتحانات من إسبوعين تقريبا بعد صراع طويل مع المذاكرة

و بعد ما ضعفت كل قوايا النفسية مع إمتحانات الدكاترة

و يارب النتيجة تطلع مبشرة علشان انا تعبت جدا

انا فعلا إتأخرت كتيير في عدم الكتابة

بس ده يمكن سببه ضيق الوقت

انتوا فعلا وحشتوني جدا

و ان شاء الله هنزل كام موضوع

كانوا مضايقيني

الإمتحانات و سنين الإمتحانات

خلااااااااااااااااااااااااص أنا زهقت

بقايا أحلام الطفولة

الحلم

مين فينا مش بيحلم؟

الحلم هو الأمل في الاستمرار في هذه الحياة و لولا الحلم لما وجدت التطورات التي حدثت في الكون

في بوست اللي فات قصدت اني مكتبش الموضوع علشان اشوف رأي الاخرين

انا فعلا بشكرهم انهم اتاحوا لهم الوقت للتعليق علي الصورة

و أسفة إني إتاخرت في نشر أحلامي نظرا لضيق الوقت

ما بين الشغل و المذاكرة علشان إمتحاناتي قربت خلاص

و بشكر كل اللي سأل عليا و خصوصا مانوش الشقية و أستاذ هاني زينهم

ربنا يخليكوا ليا

انا من صغري و انا عندي أحلام كتيييييييييييييييييير جدا و معظمها يدور في الخيال و بعض منها يمثل الواقع

يعني لما كنت صغيرة كنت بحب العصافير جدا (يمكن عشان كان عندي أقفاص عصافير كتير في البيت)

و كنت كتير بحلم اني اتحول لعصفورة و أطير و أطير و أطير و ألف الكون كله سبع مرات حول الكرة الأرضية

طبعا ده كان خيال بس لما كنت صغيرة كنت بحلم بيه مكنتش طبعا علي وعي نظرا لصغر سني

دلوقتي بقي لما كبرت حاسة اني فعلا عاملة زي العصفورة اللي ليها جناحين جميللين جدا و الناس بتشاور علي الجناحين

و تقولها " الله جناحاتك جميلة و حلوة قوي يلا طيري بيهم"

بس لللأسف أنا مش شايفة الجناحين دوول

طبعا انتوا مش فاهمين الكلام ده

أحلامي كانت كتير جدا كل يوم في حلم جديد عن الحلم اللي قبله

كنت عايزة لما أكبر أكون مهندسة ديكور برغم إني معرفش حاجة عن الهندسة خالص و لا حتي في الديكور

, بس كان حلم بيراودني

الحلم ده متحققش طبعا علشان الثانوية الهباب اللي وخدنهاو اللي حتفتني علي التجارة و منهم لله اللي حطوا نظام الثانوية العامة

دي عينة من أحلامي و محبتش أزود عن كده لحسن تصابوا بشلل من أحلامي الخيالية

أنا لو عديت الاحلام مش هاقدر

شكرا للمدونخانة

لا أعرف ماذا أقول و لكني فوجئت بخبر نشر موضوع عن مدونتي في الجريدة

شكرا للأستاذة أسماء رمضان المسئولة عن هذه الصفحة بالجريدة

جزاكي الله عنا كل الخير

و لا يوجد لدي ما أقوله غير الدعاء لها بالتوفيق في مجالها الصحافي

ملحوظة : نشرت في البوست الماضي صورة عن الحلم و الطريق إليه و لم أكتب عنه حتي أري أراء أصدقائي

بس نظرا لضيق و قتي ما بين الشغل و المذاكرة لم أكمل كتابتي عن أحلامي المشردة

و أسوف أوافيكم بأهم أحلامي في الاجل القريب إن شاء الله

الحلم

الإستمتاع بالصمت تحت المطر

إنتابتني حالة من الصمت بعد إنتهائي من المحاضرة اللذيذة و التي كانت موضوعها عن التفاوض و أنواعه

الدكتور بمجرد إنتهائه من المحاضرة أسرعت اضع كتابي في شنطتي و انطلقت للخارج

ما إن انطلقت من خارج القاعة و شعرت بشعور جميل كان الهواء نقي جدا و الماء كانت تمطر في ذاك الوقت

كم أحب هذا الموقف عندما أسير في الطرقات و تمطر السماء من فوقي و أشعر بقطرات الماء تتساقط علي

تباطئت في المشي لأستمتع بأكبر قدر من الوقت تحت المطر

وضعت يدايا بين ذراعي كأني أحضن نفسي

و أخذت أفكر في دنيايا الصغيرة و البسيطة

و الحال الذي وصلت إليه

و كنت أغني في أعماق داخلي أغنية بتلف الدنيا بينا للمغنية يارا

بتلف الدنيا بينا

و ساعات بتجرحنا

أيام بتفوت علينا و تاخدنا من روحنا

ساعات بنتألم و ساعات بنستسلم

بس الأكيد مع كل جرح لازم بنتعلم

إحنا إتخلقنا في الحياة علشان نعيشها

مهما تكون فينا الجراح لازم نحوشها

الليل ساعات بيكون غريب بس النجوم مليا الطريق

مش كل سكه هنمشي فيها الشوك هيفرشها

لو حتي كان خوفنا

الليل بيخطفنا

في نور جديد جاي من بعيد شايفين و شايفنا

لا أدري ما علاقة الأغنية بالجو الصامت الذي أعيشه في هذه اللحظة

بس إستمريت في غنائها

إستقليت الأتوبيس و جلست بجانب الشباك و قطعت التذكرة دون أن أتكلم

و ظل الصمت و الإستمتاع به مستمرا طوال الرحلة ما عدا الحديث مع نفسي في أعماق داخلي

بمجرد إنتهاء الرحلة و خروجي من الاتوبيس رن موبايل هاتفي

و هنا انقطع الصمت لقد كان صديقا عزيزا لي

لو تحدثت معه لا أتعب أبدا من الحديث معه

و تحولت من شخص صامت إلي شخص ثرثار في لحظة

لا أدري هل الشعور بالصمت و الاستمتاع به سيجئ مرة ثانية في يوم من الأيام

لا أدري

و لكن أتمني ذلك

شحاته هانم

إستوقفني مشهد يتكرر أمامي يكاد يكون بشكل يومي , فيوميا أذهب إلي عملي بمدينة نصر استيقظ باكرا و أجهز نفسي للذهاب إلي العمل زي باقية الخلق و ابدأ مشوار العذاب في المواصلات يوميا ذهابا و إيا با من رمسيس إلي مدينة نصر ثم من مدينة نصر إلي رمسيس.

هذا المشهد رأيته عدة مرات نفس السيدة الشحاته توقف أي أتوبيس او ميني باص في المنطقة ما بين رمسيس إلي العباسية

(الظاهر إن الشحاتين مقسمين نفسهم طبقا للمنطقة يعني كل شحات ومنطقته الخاصة مينفعش شحات تاني يقرب من منطقة شحات أخر)

هذه السيدة تركب الأتوبيس و توزع بعض الايات القرأنية علي الراكبين مع بعض الدعوات

و تستمر في الدعاء بطريقة تبكي الواحد الصراحة و تحسسك انك لو ساعدتها ربنا هيشفيك من كل الأمراض الموجودة في مصر حتي من إنفلونزا الطيور نفسها

و ما دعاني لكتابة هذا البوست ليس الموقف ولكن طريقتها في جذب الأخرين لإعطائها حفنة من المال

و طريقتها في سرد دعواتها و اتقانها الشديد في الكلام الذي يجذبك , فعلا هي عملية إحتراف

بالرغم إني أعمل في مجال التسويق و مهمتي الرئيسية هي جذب العملاء للتعامل مع شركاتنا و اخذ أحسن الاسعار والارخص حتي تتم شحن البضائع بأرخص الاسعار

إلا إني لو اعطيت هذه الوظيفة لهذه الشحاته سوف تتقنها بأسلوبها المحترف ده و ستجلب أرباح بالغة لشركتنا

بالرغم إني أراها شحاته بس لبسها أنيق نوعا ما لديها جلباب أسود و تلبس شنطة علي شكل كروس شكلها أنيق نوعا ما تقريبا اشترتها من الشنط الغالية بعد محوشت ثمنها

و هذه السيدة أراها مرات عديدة منذ إلتحاقي بالعمل في هذه الشركة أي منذ سنه

يعني الست دي بتشحت بقالها اكتر من سنة و لسه برده شحاته

غالبا كلما أراها أنظر لها بنظرة حادة علي أساس أحسسها إنها مش محتاجة و إنها تقريبا بتلم في اليوم ما يقرب من 50 جنية في اليوم

يعني بتجمع في الشهر أكتر من مرتبي أساسا

الواحد الصراحة بيفكر يشتغل الشغلانة دي بعد الظهر يكسب منها و أهو الرزق علي الله

أذكر زمان عندما كنت في خامسة ابتدائي طلبت مني أمي حبيبة قلبي شراء مستلزمات للبيت من البقال و في الطريق لمحت رجلا معاه 20 جنيها و عايز يفكها بس مش لاقي حد عنده فكه تخيلوا هو فكها من مين؟؟؟؟؟؟؟؟؟؟؟؟؟؟؟؟؟

واحدة شحاتة كانت قاعدة علي الارض تمارس مهنتها الرئيسية و هي الشحاته نادت علي هذا الرجل علشان تفكله العشرين جنيه هي كان معاها فلوس فكه كتير قوي الصراحة

طبعا الكلام ده كان زمان أيام ماكان العشرين جنيه ليها قيمتها تخيلوا بقي الشحات النهاردة بيكسب كام في اليوم

أخاف في يوم من الأيام تصبح هذه المتسولة من الأعنياء و تتكلم بكل فخر عن حياتها و أنها بدأت طريقها في الحياة بالتسول في الأتوبيسات

فعلا دنيا غريبة جدا و مش عارفين هي وخدانا علي فين

ربنا يستر

أنا نسيت

إمبارح إكتشفت بالصدفة إنه عيد الحب . طبعا أنا زهلت إزاي تفوت عليا كده بالرغم إني علي طول كل سنة أقعد أستني اليوم ده بفارغ الصبر. و أقعد أتخيل نصفي الأخر لما يكلمني في منتصف الليل علشان يقوللي كل سنة و أنتي حبيبتي و أقعد أتخيل إني ماشية معاه و أنا ماسكه الورده اللي جاييبهالي و كده.

الظاهر إني أحبطت و لا إيه مش عارفة !!!!!!!!!! أفتكر إن أنا و صاحبتي لما كنا في سنة رابعة في كلية النجارة سوري قصدي كلية التجارة في اليوم ده روحنا إشترينا وردة لكل واحدة فينا و كانت دي أول مرة في حياتي أشتري ورد علشان فيه عيد إسمه عيد الحب ( أصلي ماكنتش مهتمية بالحاجات دي في الأول) و دي كانت أول مرة و تقريبا هتبقي أخر مرة ( شكلها كده) ساعتها قعدنا نتمني إن السنة الجاية نكون مخطوبين . بس صاحبتي دي طلع حظها حلو قوي , بعد ما خلصنا إتخطبت و بعدها بشهر إجوزت علي طول, ( اللهم لا حسد يعني) و الله أنا مش بحسد أنا بقول واقع حصل. المهم أنا كنت في اليوم ده في مشوار مهم جدا أنا و إخواتي خرجنا الصبح من النجمة , و أنا ساعتها محستش بالعيد في الشارع علشان كل المرتبطين و الحبيبة سهرانين طبعا . خلصنا المشوار ده علي العصر و أنا راجعة لمحت في شارعنا إن المحل بتاع التصوير حاطط صناديق هدايا و كلها لونها أحمر و ورود صناعية و دباديب و برده كلها لونها أحمر. قلت هو الراجل ده شكله بيحب اللون الأحمر قوي كده , ده مجنون ده و لا ايه؟ و أنا ماشية افتكرت دراستي و إن الترم التاني المفروض يبدأ , فسألت أختي و بكل براءة هو النهاردة كام في الشهر؟ قالتلي 14/2 إيه ده النهاردة 14/2 التاريخ ده مميز . يااااااا خبر أبيض ده النهارده عيد الحب. أد إيه أنا ظلمت صاحب المحل ده و افتكرته مجنون باللون الأحمر . الظاهر أنا اللي كنت مسطولة !!!!!!!!!!!!!!!!!! أنا محستش السنة دي بعيد الحب خالص و مفيش حد قاللي كل سنة و انتي طيبة اليوم مشي عادي زي أي يوم أخر بيعدي و السلام. أنا بقي بقولكوا يا أصحابي كل سنة و أنتم دايما في حب و سعادة

و معلش التهنئة جات متأخر شوية

تحياتي ليكم دايما

يوم التدوينة السوداء

• ارقام الحسابات للتبرع

لجنة الاغاثة والطوارئ بنقابة الاطباء بنك فيصل فرع القاهرة حساب رقم : 212051 بنك قناة السويس فرع الدقي حساب رقم 21090/1باسم اتحاد الاطباء العرب جامعة الدول العربية حساب رقم 7777777 بنك مصر الدولي أو على حساب رقم 90002914 / 10 البنك التجاري الدوليأو إيداع مباشر في البنك برقم حساب 0 / 1 / 21090 بنك قناة السويس ـ الدقي الهلال الاحمر المصريحساب فلطين في بنك القاهرة 00305010008384 00306010001181

اّخر من يعلم......!!!!!!!

( يوما ما سيصلهم النبأ ..... و سيدركون...... و ربما بعد فوات الأوان....إننا أحببناهم كما لم نحب في حياتنا شيئا ...... و كما لن يحبهم بعد رحيلنا عنهم شئ)

* لوعلمت كم أحببتك.....

لما زلزلتني كالأرض

و تركتني وحدي أرسم ملامح الطرق

و أغسل الطرقات بدموعي كأمطار الشتاء

* لو علمت كم أحببتك.....

لما نسفتني كالجبال

و زرعت ألغام الفراق في أرض أحلامي

و خلفت مدينة خيالي قاحلة كالأرض الجرداء

* لو علمت كم أحببتك لما زرعت الشقاء في طريقي

و حولتني امرأة بائسة أفتات خبز أحزاني كالتعساء

* لو علمت كم أحببتك.....

لما أحببت امرأة بعدي

و لا أشعلت النيران في خاطري

و لا علمتني عادة البكاء

* لو علمت كم أحببتك.....

لما سرقت مفاتيح سعادتي

و حبستني في مغارة الحزن

أتخبط من جدران همي كالعمياء

* لو علمت كم أحببتك.....

لما فاجأتني بالرحيل

و تلاشيت من عالمي كالضباب

وودعتني هادئا صامتا كالغرباء

* لو علمت كم أحببتك.....

لما أطفأتني كمصابيح النور

و سرقت الشمس من عالمي

و أهديتني حزنا مظلما كالمساء

* لو علمت كم أحببتك.....

لما خنت ثقتي الجميلة بك

و لقيت بقلبي في جب الأيام

و بعثت لي قميصك ملطخا ببصمات النساء

* لو علمت كم أحببتك.....

لطرت إليا بلا أجنحة

و ممدت لي يدك بطوق النجاة

و خطفتني فوق جوادك الأبيض كالأمراء

* لو علمت كم أحببتك.....

لحدثت المرايا عني

و اقتربت كالفرح الجميل مني

و غزلت لي ثوبا من الضياء

* لو علمت كم أحببتك.....

لأهديتني أطواق الياسمين

و غرست الفل في ضفائري

و راقصتني ... و دللتني...

و أحببتني كالأمير الحسناء

* لو علمت كم أحببتك.....

لبنيت لي وطنا من الاستقرار

و رسمت طيور الفرح حولي

و زرعت فوق وسادتي زهور الكبرياء

* لو علمت كم أحببتك.....

لحفرت إسمي فوق أغصان الشوق

و قطعت مسافات الليل بحثا عني

و بكيتني تحت مصابيح الحنين كالأوفياء

* لو علمت كم أحببتك.....

لسرت فوق الأرض بغرور الطاووس

وقطعت بحور الأرض من أجلي

و صافحت النجوم في السماء

ملحوظة: القصيدة دي قديمة جدا بقالها 8 سنين عندي

حكمة

كل إشـــراقه شمس هي بداية لصــــفحة جديدة من صفحات حياتنا , أو لوحة جديدة.

أنظر إلى يومــك على أنه لوحة فنان بيــــضاء , ماذا تريد , أن يكون شكل لوحتك في أخر اليوم !

هل سترسمها أنت ؟ أم ستترك الظروف والأشخاص هم من ينشرون الألوان في لوحتك , فتصبح فوضى غالباً ,

وتصبح أنت مجرد ضحية للظروف .

غزة في عيونا

لبيت دعوة مدونة جنه و مدونة أوتار ( نهر الحب) و في صباح يوم الأربعاء إتصلت بنهر الحب و بلغتها إني رايحة معاها و اللي كانت سعيدة جدا بمكالمتي مع إنها متعرفنيش من قبل , و رحت مستشفي الهلال الأحمر بعد كده روحنا لمستشفي معهد ناصر. في اليوم ده حسيت بمشاعر مختلفة كتيرة انقسمت ما بين حزن و فرح

حزن و ألم علي إللي شوفته للمصابين الجرحي ,

و فرح علي شباب مصر اللي يفرح القلب و اللي عنده عزيمة و ليهم كلمة صادقة

لما شوفت الجرحي و المصابين قعد أتخيل كل واحد فيهم وقت لحظات انفجار الصواريخ علي بيوتهم.؟

فعلا موقف صعب جدا لما تكون عايش في بيتك و الأحوال مستقرة و أنت و أولادك قاعدين بتتغدوا أو بتتعشوا علي سفرة واحدة و بتتكلموا و تضحكوا مع بعض و متعرفش عن القدر اللي هيحدث بعد دقائق و فجأة متلقيش أولادك ( خلاص بقوا أشلاء ).

فعلا موقف صعب جدا لما تكون شاب طموح و عينيك بتلمع و كلها عزيمة و صمود و بتنظر للمستقبل و تخطط ليه و فجأة يجي صاروخ عليك و تفقد إحدي رجليك او كلاهما أو تفقد أي عضو من أعضاء جسدك. كل غرفة دخلتها للإطمئنان علي كل جريح فلسطيني بزداد حزن و ألم و مستغربه لقوتهم و عزيمتهم عندهم حلين لا ثالث لهم إيما النصر أو الشهادة

مواقف كتيرة إتأثرت بيها و لن انساها في مخيلتي منها الأب الذي فقد إبنه فلذة كبده و منهم بلال الطفل الصغير الذي لم يتجاوز السبع سنوات لما شوفته إتمنيت إني أكون زي سوبر مان و أطير أروح أخذ بثأره و ثأر كل الفلسطينيين اللي شوفتهم

لا تعليق

ماتت قلوب الناس

ماتت بنا النخوة

يمكن نسينا في يوم إن العرب إخوة

سنة جديدة و لازال البحث مستمر

النهاردة أول السنة 1/1/2009

يا تري السنة دي هتبقي زي اخواتها اللي فاتوا و لا لا, كل سنة بنقول السنة الجديدة هتبقي احسن من اللي فاتت و نلاقيها اوحش منها و تمر سنة تانية و نقول ان شاء الله هتبقي السنة دي احسن من اللي قبلها و هكذا وهكذا.

مش عارفة لإمتي هنفضل نقول كده.

أنا رأي انه محدش يقول خالص انها هتكون احسن من السنين اللي فاتت يمكن يحصل العكس و تكون فعلا حلوة بس بالرغم من اللي بنقوله السنين بتعدي مش بتقف , كل سنة بنكبر في العمر بس للأسف مش بنكبر في طريقة تفكرينا , و مفيش تغيير و لا تطوير في حياتناو يفضل الحال علي ما هو عليه .

عموما انا برده زي بقية البشر ليا احلام و أمنيات يا رب تتحقق و حياتي تتغير للأحسن يا رب .

و انسي خالص الحزن و الاكتئاب و العقد , امحيهم تماما من القاموس او اقطع الصفحة اللي مكتوب فيها الحزن و الااكتئاب و العقد , و ربنا يهديني للطريق المستقيم , اللهم ارزقني علما نافعا و رزقا واسعا و شفاءا من كل داء.

, نفسي أعمل حاجة جديدة و مفيدة بس مش عارفة و مش عارفة أفكر في حاجة جديدة تغير من حياتي,

لازال البحث مستمر